Rahul-a'n Indore-a kawṭha lo vanga thi chhungte tlawh dawn

Congress party hruaitu, Lok Sabha-a leader of opposition ni bawk, Rahul Gandhi chuan January 17 hian tun hnaia tui thianghlim tawk lo in vanga kawṭha lo vanga mi tam tak thihna thlenna, Madhya Pradesh-a Indore khawpuiah kalin dam lote leh thi chhungte a tlawh dawn.

December 24, 2025 aṭang khan Indore-a Bhagirathpura bialah tui thianghlim lo in vangin kawṭha lo hri nasa takin a leng a, mi 23 in an thih phah a, an zingah hian nausen thla ruk mi pawh a tel. Hetih la hian tualchhung thuneitute chuan thi zat hi 15 niin an sawi thung.

Indore district thuneitute chuan kawṭha lo hri leng vanga thi chhungte, chhungkaw 18 hnenah zangnadawmna Rs nuai 2 ṭheuh a pe tawh a ni. Chief medical and health officer chuan kawṭha lo hriin a man mi 27 te chu damdawi-in hrang hrangah enkawl mek an nih thu leh, an zinga mi pariat chu ICU-ah dah an ni tih a sawi.

Tui thianghlim tawk lo vanga mi tam takin harsatna an tawh hnuah, Nilaini khan Madhya Pradesh chief minister Mohan Yadav chuan hun rei tak tihkhawtlai tawh, tui thianghlim supply-na tur projec,t rs vbc 800 man chu Swachh Jal Abhiyan hnuaiah Indore-ah a hawng. He proejct hi AMRUT 2.0 Indore Water Supply Scheme (Package–1) hnuaia mi niin, hun rei tak daih tur khawpuiin tui thianghlim a mamawhna phuhrukna tura siam a ni. Chief Minister chuan Bhagirathpura area-a thil thleng chu pawi a tih thu leh, hun harsa tak an tawhnaah thuneitute hrang hrangten theihtawp an chhuah thu a sawi. He thil thleng vang hian health team chuan Bhagirathpura biala chhungkaw 2,354 te tui in pawh an lo endik tawh a ni.