Segio Gor-in India nena thawh dunna tihhmasawn tiam

India rama US ambassador atana ruat thar, Sergio Gor chu Nilaini khan president Droupadi Murmu chuan Rashtrapati Bhavan-ah India tana US ambassador 27-na tura lawm luhna hun a hmang. Gor hian president Murmu hnenah a credential-te hlanna hun hmangin, ram pahnih tana palai hna ṭha taka thawh a intiam bawk.

Ambassador thar Sergio Gor chuan India leh US sorkarte inpawh taka an thawh dun theihna tura hma lak a tum thu sawiin; India leh a ram mipuite hamṭhatna thlen thei turin defence, trade, technology, leh critical minerals huangahte thuk zawka thawh hona ṭha siam chu a tum ber a ni, a ti. Heng bakah hian ram pahnih thawh dunna thui zawka tihchak a tum thute a tarlang.

Gor rual hian India-a ram dang ambassador hna thawk tur hrang hrang, Republic of Trinidad and Tobago tana High Commissioner tur Chandradath Singh, leh Dr Robert Zischg, Republic of Austria tana ambassador hna thawk turte pawh Presideent chuan a lawm lut nghal bawk.

US embassy-a thu a sawinaah, Gor chuan PM Modi leh US president Donald Trump-te chu inṭhianṭha tak an ni tih a hriat thu sawi langin, tun dinhmuna ram pahnihte inrem theih lohna awm pawh ṭhianṭha an nih anga an thu inhmuh lohnate an siam ṭhat theih a rin thu a sawi lang. Gor chuan India nena inhriatthiam tawnna nena inlaichinna daih rei neih chu thil ṭul nia a hriat thu a tarlang bawk a ni.