HM-in NSG national IED data platform tlangzarh

Union home minister Amit Shah chuan nimin khan video conference kaltlangin counter-terrorist commando force, National Security Guard (NSG) siam ram chhung hmun hrang hranga bomb siam chawp improvised explosive device (IED) data dahkhawmna a tlangzarh. Platform hmang hian ram chhung hmun hrang hranga IED awmte chu security agency-te hnenah awlsam takin puanzar theih a ni dawn a ni.

Platform hi AI hmanga duan niin database chuan bomb puahna hmunte chu 'signature linkage' hmangin an man zung zung thei tawh dawn bawk. Project kalpui hi hun rei tak aṭanga thawh tawh niin NSG National Bomb Data Centre(NBDC) chuan ram chhung leh khawvel hmun hrang hranga bomb puak liantham thleng a zirchianna hrang hrang dah luh vek a ni bawk.

NSG chuan National IED data management system (NIDMS) chu digital platform a nih tur thu sawiin, bomb puah hnua hnu chhuinaah awlsam zawkin a puih theih bakah, state police-te chuan thil thleng tam zawk chu awlsam takin an hre zung zung thei dawn a ni. Platform kaltlang hian IED kaihhnawih data kimchang chipchiar taka zirna chu en mai theiha dah a ni dawn a, chhuichian hna thawhna pawh a tih awlsam phah beisei a ni.