Germany Chancellor-in India rawn tlawh dawn

Germany Chancellor Friedrich Merz chuan tun thla hian ni hnih cham turin India a rawn tlawh dawn tih Ministry of External Affairs chuan a puang. Merz hian India a rawn tlawh vawi khatna a ni dawn a, Ahmedabad-ah prime minister Nrendra Modi-an January 12 hian a lo dawngsawng dawn a, India-Germany Strategic Partnership nikuma kum 25 tling ta chungchang an sawi dun bawk ang.

Ram hruaitu pahnih hian thawh dunna hrang hrang bakah sumdawmna leh investment huanga thawh dunna tur chungchangte, technology inthleng tawnte, zirna lamte, thiamthil leh hnathawk awlsam na kawng hrang hrangahte an sawi dun dawn a; heng bakah hian defence leh security a harsatna awm chungchang sawi tum a ni bawk tih MEA chuan a tarlang.

Hruaitu pahnih inkawmnaah India leh Germany-te'n a an thawh dunna hmanga ram mipuite'n hlawkna an tel theih dan ngaihtuahin, khawvel ram zau zawk nghawng thei zawnga hmalam panna tur tihchianna hun a ni dawn tih ministry chuan a tarlang. Inkawmnaah hian green and sustainable development leh mipui inkar tihnghehna lam te huam tel tir tum a ni bawk.