Indore-ah tuihri vangin mi 10 thi

Indore Mayor Pushyamitra Bhargava chuan vawiin khan tui thianghlim lo hman avangin mi 10 laiin tuihri an thihpui tawh thu a tarlang. Tuihri vang hian khawpui huam chhung Bhagirathpura-ah thihna hi thlengin tualchhung mite chuan tuihri vanga thi zat hi 10 aiin a tam zawk niin an tarlang ve bawk.

Hetih mek laiin health department lam erawh chuan tualchhung mite'n thizat an chhal erawh an la finfiah lo thung a; thi zingah hian naupang kumtling lo pawh an tel niin an tarlang. Bhargava chuan health data chuan tuhhri vang hian mi pali thiin an tarlan thu a sawi a, a thu dawnah erawh 10 a nih thu a tichiang nghal thung.

Chief Medical and Health Officer (CMHO) Dr Madhav Prasad Hasan chuan, Bhagirathpura huam chhunga tui tlante zirchian tura lak a nih tawh thu leh sample lakte aṭanga alan danin tui hi pipeline pawp a awm avanga tihbawlhhlawh a nih thu a tarlanga, CMHO hian a bawlhhlawh chhan kimchang engmah a tarlang tel lo a ni.

Bhagirathpura huam chhung tuitlan bawlhhlawh chhanah hian toilet hnuai zawn a pipe-line put awm chu a bawlhhlawh chhan ni a hriat a ni a, tui bawlhhlawh vang hian mi 1,400 chuang in harsatna an tawh phah bakah mi 272 damdawi-inah enkawl ngaiin an awm phah bawk.