Kristian laka hleilenna thlengah hma la turin PM ngen

Congress general secretary (organisation) K.C. Venugopal chuan, tun hnaia krismas vuak veta ram chhung hmun hrang hranga kristiante laka hleilenna thleng vanga hma la turin prime minister Narendra Modi lehkha a thawn.

Venugopal chuan kristian sakhaw vuantute laka hleilenna thleng ṭhin, tun hnaia apung nasa chu ngaihthah chi a nih loh thu tarlangin; India danpuiin angkhat veka sakhaw zalenna min pek palzutna a nih thu leh pawi khawihna thleng ngaihthah ṭhin avangin kristian laka hleilenna chu a pung nasa chhan niin a sawi bawk.

Krismas vuak vetah hian state hrang hrang Delhi, Chhattisgarh, Uttar Pradesh, Madhya Pradesh bakah Kerala-ahte hunpui bawr hian kristian laka hleilenna thlengin, biakin suasamna te, inkhawm tur tihbuai leh biakin cheina suasamnate a thleng tih Venugopal chuan a tarlang. Pawi khawihna hrang hrang thlengte hi right-wing out fit thil tih a nih thu sawi lang tel bawk.