CWC ṭhu khawmin VB-G RAM G chungchanga hmalak dan tur sawi ho

Congress party in relbawlna huanga thu tlukna siamtu sang ber Congress Working Committee(CWC) chu vawiin khan AICC headquarter New Delhi-ah neih a ni. CWC ṭhu khawm hian parliament winter session neih zawh taka bill pass MGNREGA thlakna tura tih Viksit Bharat-Guarantee for Rozgar and Ajeevika Mission (Gramin) Act (VB-G RAM G) chungchang dodaln kal pui dan tur sawi ho a ni.

Bill thar hi president Droupadi Murmu-i'n hming ziah hnana a pawmpui tawh niin, dan thar a chan tir a ni tawh bawk. Congress party chuan, bill thar pawm tak chu Mahatma Gandhi zah lohnaah puhin a hming thai bo tumna niin an sawi bakah, BJP hmalakna chawi lar zawk duh vang a nih thu an sawi lang bawk.

CWC ṭhut khawmah hian Congress party hruaitu Congress president Mallikarjun Kharge, Congress parliamentary party chairperson Sonia Gandhi leh Lok Sabha-a Leader of Opposition party president hlui Rahul Gandhi te'n an telpui bakah; state hrang hrang Congress rorelnaa chief minister ten an telpui bawk. Ṭhut khawmah hian bil thar pawm leh dana chantir tawh VB-G RAM G beih zui dan tur an rel dawn niin an tarlang. Chanchin buatsaih lai hian hmalakna tur puarzar a la ni lo a ni.