Delhi sorkarin hnathawktute hnenah zangnadawmna pe dawn

Delhi sorkara labour minister, Kapil Mishra chuan nimin khan Delhi khawpui boruak bawlhhlawh tihziaawmna tura GRAP III leh GRAP IV hman a nih avanga a nghawng, construction worker-te chu zangnadawmna atan Rs 10,000 pek an nih tur thu a puang.

GRAP III leh IV hnuaiah hian construction work lam thawh khap a ni a, hei vang hian hnathawktute hian an hlawh hmuhna hna hi an chawlhsan rih a ngai a ni. Sorkar leh private sector te pawh GRAP III hman chhung chu an hna 50% chu in aṭanga thawk turin a hriattir nghal bawk. Minister-in hriattirna a tihchhuah zawm lote lakah hmalak a nih tur thu tarlang nghalin, dan thar tihchhuah hi vawiin aṭanga hman ṭan tur a ni .

GRAP III hi Delhi huam chhungah ni 16 chhung hman tura tih niin, hmalakna kalpui turin a nghawng buai hnathawktute hi zangnadawmna hi pek a ruahman zui nghal a ni. Hei bakah hian GRAP IV hman a ngai a nih pawhin thawktu inziaklutte hnenah puihna hi pek chhunzawm a nih tur thu minister Mishra chuan a tarlang.

Hmalakna kalpui tur hian damdawi-in thawktu, pollution dona kawnga thawktu, fire department, leh nitin mamawh essential service-te a huam tel lo thung a ni.