PM Modi hnenah Ethiopia chawimawina sang ber hlan

Prime minister Narendra Modi, ram pathum tlawh tura zin chhuak chuan Thawhlehni khan a ram tlawh pahnihna tur, Ethiopia a thleng. PM Modi hnenah hian Ethiopia sorkar chuan an ram chawimawina sang ber 'The Great Honour Nishan of Ethiopia' a hlan. He chawimawina hi khawvel ram dang hruaitu lu zinga dawng hmasa ber a ni bawk. PM hian nimin vek khan Oman a pan leh nghal a ni.

Ethiopia-a a cham chhung hian PM Modi chuan Parliament joint session-ah thu a sawi a; Ethiopia leh India thawh dunna chuan khawvel chhim lam bial tan thil hlu tak a thlen dawn tih a sawi. India leh Ethiopia chuan hun rei tak aṭanga an lo thawh dunna pawh nghet zawk turin an tihthar leh thu an puang bawk.

Hei bakah hian ram pahnihte chuan thawh dunna tihchakna turin kawng hrang hrang - UN Peacekeeping Operations Training, Mutual Administrative Assistance in the Customs Matters, leh Ethiopia-a Ministry of Foreign Affairs-a Data Centre hawnna turtein Memorandum of Understanding(MoU)-te an ziak bawk a ni.