PM Modi leh Jordan lal in kawm

Ram pathum tlawh tura zin chhuak, prime minister Narendra Modi chuan Thawhṭanni khan a ram tlawh hmasa ber Jordan thlengin, Jordan lal Abdullah II ibn Al Hussein nen Aman-a Husseiniya Palace-ah ram pahnih thawh dunna tur leh harsatna awmte an sawi dun nghal.

PM Modi hian King Abdullah II sawmna tihlawhtlingin Jordan hi a tlawh a, ni hnih chhung a cham dawn a ni. Modi chuan King Abdullah II hnenah hian intlawh tawnna hian India-Jordan inkar chu nasa takin hmasawnna a thlen ngei dawn tih sawiin fertiliser, digital technology, infrastructure-ahte thawh dun chhunzawm zel tum a nih thu a tarlang.

India leh Jordan hian economic kaltlanga thawh dunna ṭha tak neiin, Jordan-in sumdawnna a neihpui ram lian zingah India chu a pathumna a ni pha. Ram pahnih insumdawn tawnna hian USD tld 2.8 hlutna a tling pha bawk. Jordan hi India-a fertilizer chaw luttu lian ber a ni mek bawk.