LS-in UGC thlakna tur bill zir chiang turin JPC hnenah hlan

Lok Sabha chuan nimin khan ram chhunga zirna in sang inkaihhruaina buaipuitu, University Grants Commission (UGC) thlakna tura tih Viksit Bharat Shiksha Adhishthan (VBSA) Bill, 2025 chu pawm a nih hmain Joint Parliamentary Committee (JPC) hnenah zirchian turin a hlan chhawng leh.

Bill zirchiang tur panel-ah hian House pahniha member ni lai an awm ve ve a, Lok Sabha aṭangin member 21 leh Rajya Sabha aṭangin 10 an tel. Committee chu a zirchianna report kimchang chu nakkum budget session thawh khatna ni hnuhnung berah theh lut tura tih an ni.

UGC thlakna tur bill-ah hian higher education institution in harsatna a tawh chungchanga approval protocol mumal awm lo leh rualkhai taka hma lak theih lohna awm ṭhin chu a tireh dawn nia sawi a ni. India President-in a ruat chairperson chuan higher education commission chu a kaihruai tawh dawn a, zirna in sang hrang hrangte chu a enkawlna hnuaiah vek a awm tawh bawk ang.