UAE summit-ah EAM-in ram hrang hrang FM kawm

External affairs minister S Jaishankar chuan United Arab Emirates-a high-level international summit neih kar lakah ram hrang hrang, Europe, UK, leh Egypt foreign minister-te kawmna hun a hmang. Summit neihah hian hruaitu leh dan siamtu kalkhawmte chuan geopolitical leh venhimnaa harsatna awmte sawi ho a ni.

Minister Jaishankar hi UAE khawpui Abu Dhabi-ah hian ni thum a cham. Sir Bani Yas Forum 2025 an tih bawk hi nimin Pathianni khan a ṭiak a ni. Shankar chuan social media-ah hruaitu hrang hrang nen an inkawm thu leh, hun ṭha tak an hman thu a tarlang. Hetih laiin eng thuah nge inbiakna an neih erawh a tarlang tel lo thung.

Sir Bani Yas Forum hi kumtin neih ṭhin niin, khawvel ram hrang hrang hruaitu, minister, leh expert-te an tel ṭhin a; hemi kaltlang hian regional leh khawvel huapa harsatna awmte zau zawka zir hona neih ṭhin a ni.