Sri Lanka-a thlipui tuarte chhawmdawlna tur thawn leh

India sorkar chuan Sri Lanka-a thlipui tuarte ṭanpui leh chhawmdawl hna thawhna, Search and Rescue and Humanitarian Assistance and Disaster Relief (HADR) kalpuina tura Operation Sagar Bandhu a kalpui mek hnuaiah Indian Navy chuan chhawmdawlna ton 1,000 a thawn belh leh.

Indian Navy chuan lawng pali - INS Gharial, Landing Craft Utility (LCU) 54, LCU 51 and LCU 57 hmangin Sri Lanka-a thlipui tleh tuarte chhawmdawlna tur a thawn leh a ni. An thil phurhte hi Sri Lanka thuneitute hnenah an hlan nghal tih an sawi.

Cyclone Ditwah in Sri Lanka a nuai hnuah Indian Armed forces leh Colombo-a High Commission chuan Humanitarin Aid and Disaster Relief an din tawh bawk. Indian Air Force pawhin November thla tawp lamah khan Hindon Air Base, Delhi bul aṭangi C-130 leh IL-76 hmangin chhawmdawlna ton 21 an thawn bakah, chhanchhuah hna thawhna kawnga pui tur NDRF mi leh sa 80 chuang leh hmanraw pawimawhte an thawn bawk.Thlipui tuarte tan ei tur leh an mamawh dangte an thawn a ni. IAF chuan Sri Lanka-in harsatna a tawh mekah India chuan a theih angin a pui zel dawn tih a sawi. MI-17V5 helicopter pahnih bakah an mi leh sa 22 pawh tirh belh lehin, Search and Rescue (SAR) operation kalpuina atana mamawhte an thawn bawk.