MCA-in airport endik turin officer tir

Ramchhunga airport hrang hranga IndiGo thlawh theihna buai mek karah ministry of civil aviation (MCA) chuan ramchhunga airport lian hrang hranga leilam inrelbawlna endik turin officer an tir chuak. Ministry of Aviation hian endik hna thawk tur hian officer hrang hrang deputy Secretary, director leh joint secretary-te an tirchhuak a ni.

Officer hrang hrangte hi ram chhunga airport 10-ah tirhchhuah an ni a, airport pumpui dinhmun bakah khualzin tangkhang mekte harsatna tawhte enfiah tur a tirh an ni. Airport endik tur zingah hian Mumbai, Bengaluru, Hyderabad, Kolkata, Chennai, Ahmedabad, Pune, Guwahati, Goa leh Thiruvananthapuram-te thlan an ni. Thil thleng chunchang thlithlai tur hian union minister Ram Mohan Naidu leh senior official-te chuan, high-level review meeting an nei tih thuchhuah siamin an tarlang.

Ministry chuan senior official-te chu airport-te tlawha, inrelbawlna an kalpui dante thlithlai turin a hriattir a, harsatna awm an hmuhchhuah leh khaulzinte aṭanga feedback an dawnte chu rang taka ngaihtuah saka chingfel turin a hriattir nghal bawk.

Union civil aviation minister Naidu chuan Thawhṭanni khan Rajya Sabha-ah IndiGo airlines-in harsatna a tawh chungchang hi sawiin, khualzinte harastna tawh chu airline chhunga thawktute hna in chhawk dan tur siam leh hna kalpui dan tur ruahman in a nghawng tih sawiin; Aircraft Maintenance and Scheduling System (AMSS) vang a nih loh thu a tarlang.