ED-in Reliance Home case-ah Rs vbc 1,120 hu bungrua man

Enforcement Directorate chuan Reliance Home Finance, Reliance Commercial Finance Limited, leh Yes Bank kaihhnawih inbumna an chhuinaah Rs vbc 1,120 hu thil hlu an hreng niin agency chuan an tarlang. Heng an thil hrente hi bungraw hrang hrang 28, fixed deposite, bank balance, leh share neihte niin Reliance Anil Ambani Group-a dik lo taka investment tihna niin an tarlang.

Thil hlu hren zinga pasarih chu Reliance Infrastructure Limited bungrua, Reliance Power Limited bungrua pahnih, Reliance Value Service Private Limited pariat, an ni a, fixed deposite hi Reliance Value Service Private Limited hminga dah leh Reliance Venture Asset Management Private Limited, Phi Management Solutions Private Limited , Adhar Property Consultancy Pvt Ltd:, Gamesa Investment Management Private Limited leh fund hrang hrang aṭanga dawnte an ni.

ED hian hemi hma pawh hian bungraw hlut zawng Rs vbc 8,997 chu Reliance Communications Limited (RCom), Reliance Commercial Finance, leh Reliance Home Finance aṭangin an lo hreng tawh bawk. Group hminga bungraw hren leh man tawh zawng zawng hlut zawng hi Rs vbc 10,117 a tling tawh.