India-in Sri Lanka-ah "Operation Sagar Bandhu" kalpui

India chuan cyclone Ditwah vanga chhiatna thlengah 'Operation Sagar Bandhu' hmangin chhawmdawlna a kalpui chhunzawm, Indian Air Force (IAF) chuan an thlawhtheihna lian C-17 hmangin Nilaini khan ton 65 a rit Bailey Bridge chu Hindan aṭangin Colombo an phur thleng a ni.

Bailey Bridge hi ken kual theih a ruangam duansa a ni a, tuilian vanga in kalpawhna ṭhat lohna hmunah inkalpawhna atana hman tura duan a ni. Bailey Bridge hian chhawmdawlna, bakah chhanchhuah hna thawh chu nasa takin a tizangkhaui thei dawn bawk.

Cyclone Ditwah vanga chhiatna tawkte chhawmdawlna tur hian India chuan tui, khawmual, leh boruak aṭangin Operaton Sagar hi an kalpui reng a, chanchhuahna hmanrua leh chawmdawlna hrang hrang tone kuaa rit IAF chuan Mi-17 V5 hmangin a phur thleng tawh.

Sri Lanka chuan Nilaini khan an rama district 25 aṭang 22-te chu 'disaster zone'-ah a puang tawh a, mi maktaduai 1.4 a nghawng aṭangin mi 2,33,000 chuang chu relief centre 1,441-ah an awm mek niin sorkar data chuan a tarlang.