Patanjali ghee-in tehna paltlang lo

India-a ghee siamtu company hlun, Patanjali in enchhin tura an sample thawn te'n ṭhat lam tehna an paltlang zo lo. Endikna hi national leh state laboratory-ah neih niin, ṭhat lam tehna tur bithliah chin a pha lo ve ve.

Tehna paltlang zawh loh vang hian Uttarakhand-a tualchhung court-te chuan pawisa an chawitir a, pawisa an chawitir zawng zawng belhkhawm hi Rs nuai 1.40 a tling. Khinna hi kum 2020 daih tawhah khan thehluh niin, Senior Food Safety Officer-in dawr aṭangin sample te hi enchhin turin a lak niin, state-a an enchhinnaah tehfung siam chu an paltlang zo lo a ni.

Patanjali Ayurved Limited hian khing zuiin, an product-te chu national laboratory lamah enchhinna neih leh a ni a, hemiah pawh hian ṭhat lam tehna hi a paltlang zo ta chuang lo a ni.