India leh UAE-in thawh hona tihhmasawnna tur sawi dun

India leh United Arab Emirates(UAE) chuan India-UAE Comprehensive Economic Partnership Agreement (CEPA) hnuaiah joint committee an nei. Committee-ah hian market access, data sharing, rangkachak chhiah, anti-dumping, leh economic huanga thawhdunnaa harsatna awm chungchang sawi ho a ni.

Ram pahnih aiawhte hian CEPA hnuaia thawh dunna neih hrang hrang thlirletin, hmasawnna neih dante an zir ho bawk. Damdawi siam chhuahna huanga an thawh dunnaa harsatna awm chinfel dan turte an ngaihtuah bawk.

Ministry of Climate Change leh Environment leh United Arab Emirates (UAE) chuan thawh dunna turin Agricultural and Processed Food Products Export Development Authority (APEDA)-ah a rang thei anga memorandum of understanding (MoU) ziah an rel a ni.

Ram pahnih insumdawn tawnna hlut zawng hi kum 2024-25 khan USD tld 100 chuang niin, kum 2023-24 aiin 19.6% in a pung. India leh UAE hian non-oil leh non-precious metal lama insumdawn tawnnaah bithliah sa neiin kum 2030 hmain USD tld 100 kai hman an tum.