India-in Bangladesh ngenna zirchiang mek

India chuan Nilaini khan Bangladesh aṭangin ram prime minister hlui Sheikh Hasina, India-a tlanchhe mek thawn haw tura ngenna an dawng tih a sawi a; ngenna an dawn hi dan hnuaiah ngun taka ngaihtuah a nih mek thu External Affairs Minister thupuangtu Randhir Jaiswal chuan a tarlang. India hnena ngenna hi Bangladesh High Commission, Delhi kaltlanga thawn a ni.

Hasina kaihhruai Bangladesh sorkar hi nikum khan zirlaite huaihawtin a policy chungchangah lungawi lohna lantir a ni a, a hnuah paihthlak a ni zui a ni. Hemi hnu hian Hasina hi India-ah hian a tlanchhe zui nghal. Nikum August 5 aṭang khan a sa himna atan India ramah a la awm zui zel a ni. Kar hmasa khan Dhaka-a International Crimes Tribunal (ICT) chuan nawrh huaihawtte beih let leh, mi eng emaw zat thihna thleng kaihhnawiha thubuai siamsakh Hasina hi thiam loh chantirin thi turin a chungthu a rel sak.

India chuan Bangladesh ngenna thawn chungchangah Bangladesh mipuite tana ṭha ber tur an ngaihtuah thu a sawi a, remna leh muanna awm theihna tur te, democracy himna te, intluktlanna awm theihna leh ram ngelnghet tak a awm theihna turin zirchiang a ngaihtuah mek a nih thu MEA chuan a tarlang.