Indian Navy-in hman turin Indo lawng thar commission

Indian Navy chuan nimin khan indo lawng thar, INS Mahe chu hman turin an commission. Indo lawng thar hi Mahe-Class anti-submarine niin tui thuk lo laiah pawh hman theih tur a ni.

INS Mahe commission-naah hian Army chief general Upendrea Dwivedi chu khuallian niin, India chu tui thuk lo laiah pawh rang leh ṭha zawka indona hmachhawn tir thei tur a nih thu a sawi. Lawng thar hi Cochin Shipyard Limited(CSL) siam niin, INS Mahe hi Aatmanirbhar Barat(mahni kea ding India) thlen tirtu zinga mi a nih theih tur thu Navy chuan an tarlang.

Indo lawng thar hi firepower ṭha, zangkhai, leh che rang, tuihnuai lawngte bei thei tura duan a ni a, tuipui kam hnaiha patrol leh tuipui venhimna kawnga India tana ṭangkai taka thawk thei tura duan a ni bawk. Lawng hian torpedoes leh anti-submarine rocket neiin, a siamna hmanrua 80% chu ram chhunga mi vek hman a ni bawk. A hming pawh hi hmanlai huna tuipui kam khua Mahe, Malabar coast hming chawia phuah a ni.