President Murmu-in Angola thleng

President Droupadi Murmu chuan ni ruk cham turin Inrinni khan Angola a thleng a, India President zinga Angola ram tlawh hmasa ber a ni.

Murmu hian ni thum chhung hian inbiakna pawimawh hrang hrang a nei dawn a, high level meeting a tel bakah Angola president Joao Manuel Goncalves Lourenco a kawm ang. Hemi hnu hian an ram independence champha vawi 50-na lawmnaah hun a hmang nghal dawn bawk. President Murmu hian Angola parliamnet-ah thusawina hun hmangin India mi leh sa chengte nen an inkawm dawn bawk.

Intlawhna kaltlang hian ram pahnih lo thawh dun tawhna thlir letin ram pahnih te'n an hlawk pui ve ve theih tura thawh dunna turte sawi tum a ni bawk. Thawh dunna huang zauhna atan hian agriculture, health, energy, trade and investments, technology, infrastructure development, defence leh mipui leh mipui inpawh tawnna turte sawi ho tum a ni.

India leh Angola thawh dunna hi kuminah a kum 40 na a tling dawn. An thawh dun tawhna aṭang hian kawng hrang hrangah hmasawnna leh hlawkna an lo tel ve ve tawh a ni. President Murmu hi Railways leh Jal Shakti-a minister of State V Somanna, Lok Sabha MP Prabhubhai Vasava leh D K Aruna ten an zui.