Gujarat-ah ISIS firfiak mi 3 man

Gujarat Anti-Terrorism Squad(ATS) chuan nimin, Pathianni khan Ahmedabad-ah firfiak pawl ISIS mi leh sa, India beih tum ni ngeia hriatte an man.

ISIS mi mante hi kum eng emaw zat liamta aṭanga an chanchin lo ngaihven tawh niin, man an nih lai hian pawikhawihna tur ralthuam supply tur an buaipui niin Gujarat ATS chuan a tarlang. Chhuichian hna kalpui mek a nih thu an sawi bawk.

ATS thuchhuah chuan firfiak pawl mi leh saten ralthuam thleng tur leh ram chhung hmun hrang hrang beih tuma an buaipui thu report an dawn an bawhzui hnuah, mi pathumte hi an man tih an tarlang. An mi mante hi "Ghazwa-e-Hind" hminga tharum thawhna kalpui leh Muslim ni lote beih tum nia hriat an ni.

Firfiak pawl rual hian dan loa ramchhunga ralthuam lak luh, semi-automatic pistol leh a mu eng emaw zat an man tel bawk.