Labour Minister-in Pakistan chhang let

Second World Summit for Social Development hmanga Doha, Qatar-a cham mek union labour minister Mansukh Mandaviya chuan, Nilaini khan Pakistan president Asif Ali Zardari chu a thusawi danah khawvel huap rorelna hmun a hmangsual a ni, a ti. Zardari hian Thawhlehni khan summit-ah thu sawiin, India chuan Indus Water Treaty(IWT) chu ralthuamah an chan tir niin a puh a ni.

Mandaviya chuan," Pakistan President chuan dik lo takin India min rawn puh a,social development chungchang sawina tura khawvel huap rorelna hmun chu a hmang sual a ni. Pakistan chuan IWT a inremna kan neihte zah loin firfiak a chetna hmangin ramri pelin tharum thawhna an kalpui zawk a ni," a ti.

Summit-ah hian India hmalakna hrang hrang - welfare programme leh digital innovation hmanga ram mipui maktaduai 250 chuang dawmkanna kalpui a nih dante tarlangin; kum 10 chhunga retheihna umbo tura hmalaknate a tarlang bawk. Minister chuan zirlai maktaduai 118 chuang hnena chaw chhun pek ṭhin leh an hriselna tihhmasawnna turin chhungkaw maktaduai 37 chuang hnenah health security pek a nih dante a sawi lang.