Amazon Web Services platform India-ah hawn belh dawn

Amazon Web Services chuan nimin khan India-a sumdawnna kalpuina tur marketplace platform huang an zauh dawn tih an puang. Hmalakna kaltlang hian ram chhungah India-based software leh services company an hman theih phah dawn a ni.

Chhiah tlawm zawk chawi a nih dawn avangin Independent Software Vendors (ISVs) and Consulting Partners chuan an software-te awlsam zawkin an hralh thei tawh dawn a ni. Leitu leh hralhtute pawhin India pawisa hmangin an kalpui thei tawh dawn bawk a, heng product hrang hrang Cisco, CrowdStrike, Deloitte, eMudhra, Freshworks, Gupshup.ai, IBM, Kore.ai, Palo Alto Networks, Redington, Salesforce, Sarvam, Sonata Software, leh VideoCX.io-te lei theihin a awmsa tawh bawk.

AWS Marketplace hian India-a harsatna awm ṭhin, tualchhung pawisa hman buaithlakna a tihziaawm theih dawn bakah, chhiah chawi leh hnathawh thlengin a ti samkhai thei dawn bawk. Hei bakah hian ramchhung aṭanga hralhtu lam pawhin nasa zawkin kawng awlsam an hmuh theih phah dawn tih AWS Global Specialists & Partners Ruba Borno chuan a sawi.