W Bengal CM-in SIR duh lohna lantirin kawng zawh dawn

West Bengal chief minister Mamata Banerjee chuan naktuk, November 4 hian state chhunga electoral roll ennawnna, Special Intensive Revision(SIR) kalpui tur duh lohna lantirin Kolkata kawtthlerah kawng a zawh dawn tih a puang. CM kawngzawh tum hi an party Trinamool Congress(TC) general secretary leh chairperson ni bawk, Abhisek Banerjee pawhin zawm a tum. CM hian Red Road aṭanga Jorasanko thleng kawng hi a zawh ang

Election Commission of India (ECI) chuan November 4 aṭangin state 12-ah SIR kalpuina turin in tina kalin, data lak khawm hna neih ṭan a tum a ni.

TC chuan West Bengal Assembly leader of opposition Suvendu Adhikari-a'n Booth Level Officer(BLO) te vauna thu a chhah chhuah avangin, West Bengal chief electoral officer hnenah complaint an theh lut bawk. Complaint theh luhah hian Adikari chuan BLO-te chu commission-in kaihhruaina a siam an zawm loh chuan lung-inah dah theih an ni tih zawngin a sawi ṭhaih niin an tarlang.