UHM-in women health campaign hmangin World Record siam

Union Health Ministry chuan an hnuaia campaign kalpui, Swasth Nari, Sashakt Parivar Abhiyaan (SNSPA) hmangin Guinness World Records pathum an siam tih ministry chuan tarlang. Record hi September 27 aṭanga October 2 thlenga rampum huapa campaign an neih hmangin an siam a ni.

Record an siamte hi healthcare platform hnuaia thla khat chhunga inziak lut tam ber mi vbc 3.21, kar khat chhunga hnute cancer, online screening atana inziak lut tam ber nuai 9.94, leh state level-a kar khat chhunga online hmanga vital signs screening tura inziak lut tam ber nuai 1.25 te an ni.

Ministry chuan an hmalaknate hi hmeichhia, rawlthar leh naupang tan bika duan niin, an hriselna leh ei tur ṭha tihhmasawnna lam thlurbingna a nih thu an sawi. An tum ber chu natna rang taka hmuhchhuah, hriselna dinhmun tihchak, chhungkaw tinte nun dan phung hrisel siama ram hrisel leh chak thlen tir a ni tih an tarlang bawk.