Cyprus foreign minister India-ah rawn zin dawn

Cyrus foreign minister Constantinos Kombos chu vawiin hian ni thum cham turin India-ah a rawn zin dawn tih ministry of external affairs chuan a tarlang. Kombos hi external affairs minister S. Jaishankar nen vawiin hian Hyderabad House-ah inkawmin, hemi hnu hian Indian Council of World Affairs (ICWA) ah 55th Sapru House Lecture-ah thu a sawi nghal ang.

India leh Cyprus inkar hi kumin nipui laia prime minister Narendra Modi-an Nicosia tlawha Cyprus president Nikos Christodoulides nen an inkawm hnu khan a ṭha zual hle a, Pahalgam beihna thlen hnua India thlawpna lantir chhunzawm nasa ber an ni, tiin official chuan a sawi. Kombos cham chhung hian kawng hrang hrang a ram pahnih thawh dunna turte sawi tum a ni.

Kombos hian hun reitak aṭanga Republic of Cyprus leh Northern Cyprus (Turkish Republic of Northern Cyprus) ramri buaina awm chunchang pawh a sawichhuah rin a ni. Cyprus hian India a thlawp laiin ramri an inchuh pui Northern Cyprus Turkey chuan Pakistan an thlawp ve thung. Hei vang hian Pakistan thlawptu ram epna atan Cyprus leh India inkar tihṭhat chu a pawimawh hle dawn niin a lo sawi lang tawh bawk.