Rajnath Singh leh US defence secretary inbe dawn

Defence minister Rajnath Singh chuan Kuala Lumpur, Malaysia-a 12th ASEAN defence Minister Meeting-Plus(ADMM-Plus) neih kar lakah, US defence secretary Pete Hegseth a kawm dawn. Hruaitu pahnihte hi kumin May khan telephone-in India leh US defence huang thawh dunna tihchak dan tur chungchangah an lo inbe tawh a ni.

Singh chuan November 2 hianADMM-Plus ah 'Reflection on 15 Years of ADMM-Plus and Charting the Way Forward' tih thupui hmangin thu a sawi dawn. Summit kar lakah a thawh hnihna turin ASEAN-India Defence Ministers' Informal Meeting chu Malaysia chair-na hnuaiah naktuk October 31 hian neih tum a ni. Singh hian a cham chhungin ram hrang hrang ai awh foreign minister-te a kawm nghal ang

ADMM hi ASEAN hnuaia defence kaihhnawih thawh hona sang ber niin, ASEAN member 10 bakah ram dang dialogue partner pariat - India, US, China, RUssia, Japan, South Korea, Australia, leh New Zealand an tel. India hi kum 1992 aṭangin ASEAN dialogue partner a ni tawh.

Tun dinhmunah ADMM-Plus framework hnuaiah India leh Malaysia chu Experts’ Working Group on Counter Terrorism-ah kum 2024-2027 cycle-ah an co-chair mek bawk. ASEAN-India Maritime Exercise pawh nakkum 2026 hian India leh ASEAN ram defence thawh dunna tarlanna kawng khat atan neih tum a ni bawk.