NSGA chungchanga thu thlen duh tan hun bithliah

Sports Ministry chuan National Sports Governance Act draft rule siam chungchangah, mipui lam aṭanga rawtna leh thu thlen duh nei tan November 14 thleng hun a hawng.

Ministry chuan National Sports Board (NSB), National Sports Tribunal (NST) leh National Sports Election Panel (NSEP) draft fules hi an website-ah dahin, mipui chu an ngaihdan sawi turin an sawm nghal bawk. Rules chungchanga rawtna leh sawi duh nei tan post emaw, email emaw hmangin nsga2025@sports.gov.in. ah theh luh theih a ni.

Sports minister Mansukh Mandaviya chuan NSB chu kumin kumtawpah tihfel a, nakkum kum chanve hma lamah dan thar hi hman ṭan tum a ni tih a sawi. Hei vang hian sawi duh nei tan November 14, 2025 hmaa theh lut turin a sawm. Board din turah hian chairperson leh member pahnih; public administration, sports governance leh sports law lama tawnhriat nei ṭhate dah an ni ang.