Chhattisgarh-ah Maoist mi 210 inpe leh

Sorkar laipuiin Naxal hel tihtawpna tura hma a lakna kal zelah, Chhattisgarh police leh paramilitary force-te kutah nimin khan Maoist mi leh sa 210 an inpe. Inpe zingah hian Maoist-a central committee member pawh an tel a, ralthuam an kawl 153 pawh an thehlut tel nghal.

Maoist inpe zingah hian central committee member pakhat telin; Dandakaranya Special Zonal Committee (DSZC) mi pali leh divisional committe member 21 bakah area committee member 61 an tel bawk. Ralthuam thehluh zingah hian AK-47 rifle -19, self-loading rifles -17, INSAS rifles- 23, .303 rifles - 36, carbines pali, leh barrel grenade launchers (BGL) -11 te a tel a ni.

Hel inpete hi tualchhung thuneitute chuan parṭhite nen an lo lawm a, inpe tharte bakah hian ni hnih liamta khan union home minister Amit Shah chuan Maharashtra leh Chhattisgarh aṭangin Maoist 258 an inpek thu a lo puang tawh bawk. Sorkar chuan hel inpete hi chhawmdawlna hrang hrang hmangin a pui ṭhin.