Coldrif vangin MP-ah naupang thi leh

Khuh damdawi him tawk lo vanga ram chhunga naupang thi zat chu an pun belh leh. Nilaini khan Madhya Pradesh-a Nagpur damdawi-inah naupang pakhat chu kal(kidney) lam fel lo vangin a thi veleh a, hei hi khuh damdawi pekin a thlen nia ngaih a ni. Madhya Pradesh-a khuh damdawi vanga naupang thi zat hi 24 an tling tawh a, thi report thar ber hi September 14 aṭanga enkawlna pek tawh a ni.