PM-in RSS kum 100 tlin lawmna hmanpui

Prime minister Narendra Modi chuan nimin khan Rashtriya Swayamsevak Sangh (RSS) kum 100 tlin lawmna, New Delhi-a neih a hmanpui a, ram dinna kawnga RSS hna thawh fakin, kawng hrang hranga sawisel leh beihna tawk ṭhin mah se ram chu an dah pawimawh hmasa ber a ni, a ti.

PM chuan RSS hian British rorelna rawng tak kha an bei let a, ram hmangaihna chu an thupui ber a ni tiin, Sangh volunteer-te chuan India ram zalenna sualtute awmna turte lo ngaihtuahsakin, an hruaitute pawh zalenna sual lai khan jail-ah an tang tih a sawi. Puhna dik lo hmangin RSS chu tihchhiata khap tumna a awm fo tih a sawi a, "Mahse, dik lo taka puhna an tawk fo chungin RSS an sual ngai lo a, chi inthliarhrana awm ṭhin tiboin mitin huap zo khawtlang dinna tur chu an thuchah ken ber a ni zawk a ni,"tiin a sawi.

RSS kum 100 tlin lawmna hi Ministry of Culture in a buatsaih a ni a, RSS general secretary Dattatreya Hosabale, Delhi chief minister Rekha Gupta leh culture minister Gajendra Singh Shekhawat-ten an telpui bawk a ni.