India-in Afghanistan lirnghing tuarte ṭanpuina thawn

Sorkar laipuiin Afghanistan-a lirnghing tuarte chhawmdawlna tur, Chabahar port kaltlanga a thawn chu Kabul a thlengfel tawh tih nimin khan official-te chuan an tarlang. India hian chhawmdawlna hi September 1 khan truck pathum hmangin a thawn a ni.

Afghanistan-ah hian August 31 khan mangitude 6.0 -a nain lir a nghing a, mi 2,000 chuang an thih bakah mi 23,000 awmna hmun sawn a ngaih phah bawk.

Ministry of external affairs chuan ,"India chuan Afghanistan lirnghing tuar chhawmdawlna turin container pathum chu Afghan thuneitute hnenah a thawn a ni" tiin a sawi. Bungraw thawnte hi ei tur hrang hrang, tui tihthianghlimna, protein powder, tin sheet, sleeping bag, hygiene kit, tui dahṭhatna, puanin, blanket, essential medicine leh damdawi dang hrang hrang te an nih thu MEA thupuangtu Randhir Jaiswal chuan a sawi.

Prime minister Narendra Modi chuan Afghanistan-a lirnghing tuarte chu a tawrhpui thu sawiin, India chuan a theih ang apianga chhawmdawlna pek chu a inhuam reng thu leh harsatna sutkian a nih theihna atana pui tura a inpeih reng thu a lo sawi tawh a ni.