Telangana mi US police-in kap hlum

Telangana-a Mahbubnagar district mi, Mohammed Nizamuddin chu Santa Clara, California-ah US police te'n an kap hlum. Nizamuddin thih thu hi Ningani khan a pa in hrilh a nih thu a sawi.

Nizamuddin hian US hi master degree zir turin kum 2016 khan a kal a, a zir zawh hnuah software engineer hna thawkin a awm zui tih a chhungte chuan an tarlang.

Police Chief Pat Nikolai-in video hmanga thuchhuah a siamah Nizamuddina roommate chuan September 3 khan an inkar buaina vangin 911 a biak thu a sawi a, hemi hnu hian buaina punlun zuiin an chenna police-in an va thlen hian Nizamuddin hian a chenpui chu a lo rikrap mek niin an sawi. Police lam chuan ṭawngkama inpe tura an hriattir hnuah pawh hmanrua a chuh avangin an kap zui niin an sawi.

Nizamuddin hian a hmain a social media-ah chi bil inhmuhsitna vanga huatna a tawh thu leh, hlawh hmanga inbumna, hna aṭanga inban tumnate leh thawhpuite lak aṭanga intihduhdahna te a tawk niin a tarlang. A chhawrtute aṭanga harsatna a tawh fo thu pawh a lo sawi tawh bawk a ni.