India-in Venezuala-ah pilot project kalpui ṭan dawn

India tlawha lo zin mek Venezuela development of information and communication technologies vice-minister, Raul Hernandez leh India official-te chuan Venezuela-ah huang thlan bik atan pilot project thawh ṭan a nih tur thu an tarlang. Pilot project thawhna tur atan hian agriculture, pharmaceuticals, leh digital public infrastructure-te thlan a ni tih official chuan an tarlang.

Ram pahnihte chuan Venezuela duhna dah pawimawhin pilot project thawh tur hi an remti a, training leh AI leh a kaihhnawiha thawh dunna tur pawh sawi ho a ni bawk. Hei bakah hian ram pahnih hian kawng hrang hrang - space leh tourism huangah thawh dunna turte an sawi ho nghal bawk niin official chuan an sawi.

Ministry of external affairs tarlan danin kum 2024-25 chhung khan ram pahnih insumdawn tawnna hi USD tld 1.8 a tling. India hian USD mtd 216 hu thawn chhuakin USD tld 1.6 hu a chaw lut bawk. India-inVenezuela tana bungrua a thawn chhuah zingah damdawi lam a thawn chhuak tam ber a, kum khata an ram mamawh zat aṭanga 40% a thawn lut tling a ni.