Covid Caller Tune : Amitabh-a aw hman tihtawp phut

Covid Caller Tune-a lemchan thiam Amitabh Bachchan-a aw hman a ni chu tihtawp tura phutin Delhi High Court-ah petition thehluh a ni. 

Petition thehluttu  hi social worker Rakesh niin, Amitabh Bachchan hi Covid-19 positive a ni tawh a, hetih laia caller tune-a hri laka invenna tur sawitu atana hman a ni chu a sawisel a ni. Rakesh chuan Amitabh leh a chhungte ṭhenkhat chu  nikum khan hri hi kaiin damdawi-ina enkawl a ni a, hetihlaia hri laka inveng tura hrilhtu atana a aw hman chu thil inhmeh lo tak a ni tiin, corona warrior lar tak tak zingah mipuite rawng bawl hna a thlawna thawk hreh lo tam tak an awm laiin, sorkar chuan Amitabh hnenah hian a aw thawh hman man sum eng emaw zat a pe zui bawk a ni, a ti.