PM Modi-a'n Bihar-ah project hawng

Prime minister Narendra Modi chuan nimin khan West Bengal 16th Combined Commanders' Conference-2025 a hawn hnuah, Bihar-a hmasawnna thawhna tur project a hawng. Project a hawnte hi India sipai hmasawnna thlen tur, hmun inkalpawhna leh economy ṭhan lenna thlen thei tur te an ni. Kolkata hi thla nga chhunga a tlawh vawi lina niin, thla khat chhunga vawi hnih a tlawhna a ni bawk

PM hian Kolkata-a hun a hman hnuah Purnia, Bihar a pan nghal a, Purnea Airport-ah New Civil Enclave, Interim Terminal Building thar a hawng. Terminal thar hawn hi Bihar hmarchhak bial inkalpawhna tiawlsam thei tur leh khualzin eng emaw zat dawng sawng thei tura ruahman a ni. PM hian Pirpainti, Bhagalpur-a 3x800 MW Thermal Power Project, Rs vbc 25,000 hu thawhna tur lungphum a phum a, Kosi-Mechi Intra-State River Link Project Phase-1 Rs vbc 2,680 hu hawnna hun a hmang bawk a ni.

Heng bakah hian Modi hian Bihar-a National Makhana Board a hawng nghal bawk. Bihar-in makhan an thar chhuak hnem hle a, ram pumah thar chhuah aṭangin 90% a tling pha. Board hian thar chhuah tam zawk leh tihhmasawnna kawngah nasa takin a pui dawn a, thawn chhuah leh hralh chhuah kawngah pawh a pui dawn bawk.