CAG India-in khawvel huap audit in tawh khawmna thleng

Comptroller and Auditor General (CAG) of India chuan ni li awh tur ram 29 chuang aiawh, audit official intawh khawmna chu Thawhlehni khan Hyderabad-ah a thleng. Intawh khawm hi technology ṭhang chho mek, Artificial Intelligence (AI), data analytics leh geospatial tools hmanga vantlang mila inrelbawlna langtlang tak neih theihna atana audit kalphung tihhmasawn dan ngaituahna tura ruahman a ni.

Hyderabad-a global dialogue neih rual hian International Organisation of Supreme Audit Institutions 34th annual meeting neih nghal a ni a, AI leh technology ṭhang mek chungchang ngaihtuahin high-level summit leh Knowledge Sharing Committee meeting vawi 17-na neih a ni bawk. International Organisation of Supreme Audit Institutions aṭang hian ram 190 aṭangin national audit office an tel.

India hian tun dinhmunah IT Audit Working Group leh Knowledge Sharing Committee kaihhruai hna a chelh mek a ni. GAC Sanjay kaihhruaina hnuaiah India auditing body hian AI, big data, leh satellite technology hmanga sorkar sen ral enzui leh a hlutna chhut kawngah hma a sawn mek tih organisation thuchhuah chuan a tarlang.

Ram aiawh rawn kal zingah hian China, Poland, Egypt, South Africa, leh Estonia an tel. Intawh khawmna kaltlang hian nasa taka technology ṭhang mek mila global audit kalpui dan leh ram hrang nena thawh hona tihhmasawn theih beisei a ni.