India leh Thailand sipaiin 'MAITREE-XIV' kalpui

India-Thailand sipaite chuan a ṭum 14-na atan sipai huanga nunchan zir hona MAITREE-XIV chu Thawhṭanni aṭang khan an nei. Nunchan zir hona hi Joint Training Ground, Umroi, Meghalaya-ah neih niin September 1 aṭanga 14 chhung neih tura tih a ni. Nikum khan Fort Vachiraprakan, Tak Province, Thailand-ah neih a ni thung.

Nunchan zir hona hi sipai thawh ho leh inhriatthiam tawnna neih theihna tur atana tih niin, ram pahnih hian sipai leh sipai inkarah exchange programme an nei nghal ang. India aiawh hian Madras regiment battalion contingent aṭangin sipai 120 an tel a, Thailand aṭangin Royal Thai Army 1st Infantry Battalion-a 14th Infantry Brigade 53 an tel a ni.

Kumina nunchan zir honaah hian company level-a hmalak dan hrang hrang, United Nations Charter-a Chapter VII zulzuia semi-urban terrain-a counter-terrorist operation kalpui dan zir hona neih chu an hmachhawp ber a ni. Training modules-ah hian tactical drills, joint planning, ralthuam hman dan, taksa chhelzawng leh raid neih dante chu a tak ang thei ber tura zir hona neih a ni ang.