India-China inremna China duhdana nawr luih a ni : Congress

Congress party chuan prime minister Narendra Modi-a Japan leh China tlawha a zin leh, China nena inremna an kalpui mek chu nawr luihna vang leh China duhdan anga kalpui tura hmalakna a ni, an ti. Congress general secretary Jairam Ramesh chuan tun hnaia Indo-US inkar chhe mek chu China hian remchangah a la niin an sawi bawk.

Ramesh chuan a X-a post a siamah," Tuna China tlawha a zin hi ngaihtuah leh chhut ngun ngai tak a ni" a ti a, China nena inkar siamṭha tur hian nawr kal chawp kan ni a, resolution mumal awm lo leh duh dan bik an neihte hmanga tih a nih thu a sawi lang. India leh China buai laia ramri kaltlanga India rama lut an awm loh thu a sawi, 'No one has entered our territory, nor has anyone entered' tih chu dawihzep aw ka mai niin India duhdan a ngaihthah leh tho a ni, a ti bawk.

Hei bakah hian Congress chuan India-in Operation Sindoor a kalpui lai khan China chuan Pakistan a ṭan zawk tih sawiin, kan sipaite ngei pawhin hei hi an finfiah a ni a ti bawk. Ramesh chuan PM Modi hian Manipur-a tharum thawhna chu a ngaihthah thu leh heng buaina awmte aṭang hian a kut silin mipui harsatna tawh chu a ngaihthah sak a ni, a ti.