PM Modi-a ni hnih cham turin Japan a thleng

Prime minister Narendra Modi chuan nimin khan ni hnih chhung cham turin Japan a thleng,a cham chhungin Japan prime minister Shigeru Ishiba a kawm ang.

PM Modi hian Japan-a hun a hman zawhah ni hnih chhung awh tur, August 31 - September 1 chhunga Shanghai Cooperation Organisation (SCO) annual summit, Tianjin-a neih hmang turin China a pan leh nghal ang.

Ministry of external affair-in a tarlan danin PM Modi hian Japan PM Ishiba nen kawng hrang hranga thawh dunna tur an sawi dun dawn a,economic leh investment-a inremna siam te, technology thar leh AI, semiconductor huang a thawh dunna tihzauh chungchangte an sawi dun dawn a ni.

PM hian a zin chhuah dawn hian Japan leh China a tlawh tur chu a inrintawk thu sawiin," Inbiaknate chu kan ram duhdante dah pawimawh chung zela neih tum a ni a, heng bakah hian thawh dunna ṭha siam kawngah leh ramri leh khawvel nghawng tura remna leh muanna bakah venhimna, leh daihrei zawk hmasawnna thlen thei chungchang sawi a ni ang," a ti.

Inbiakna hrang hrang neih bakah hian a tum ber chu India leh Japan Special Strategic and Global Raltionship, kum 11chhung nghet taka neih tawh siam ṭhatna tur sawi hona neih a nih tur thu sawiin, Modi chuan mipuite inkara hmasawnna tura inzawmna tihchak chu ram pahnihte thil tum lian tak zinga mi a ni, a ti bawk.