NHAI-in highway siamnaa pui tur AI cell din

National Highway Authority of India (NHAI) chuan kawngpui siamna leh thawm ṭhatna kawnga hmalakna hrang hrang tihmasawnna kawng puitu tur, Artificial Intelligence(AI) cell tur an din.

Official tarlan danin AI cell hi quality tihhmasawnna tur leh eco-friendly bungrua siam kawnga hmasawnna tur leh carbon footprint tihtlem a nih theihna tura duan a ni. AI hmalakna kaltlang hian kawng siam naa khuarel thil siam awm tihchhiatna thleng ṭhin chu a tihziaawm rin a ni a, hei hian infrastructure leh kan chhehvela thil awm tan a ṭha zawnga nghawng a neih beisei a ni. Hei bakah hian kawng siam dan leh duan dan kawngah awlsam zawkin hna a thawh tir theih beisei a ni bawk.

Thuneitute chuan AI cell pui tur leh kaihruai tur hian mi thiam bikte chu chhawr an ni dawn tih an sawi a, officer pathum chu he unit vil tura ruat an nih tawh thu an tarlang. AI puihna hmang hian project design a awlsam phah bakah traffic kal dan leh sik leh sa inthlak in a nghawng theih dan thlengin design chu a pui thei dawn a ni.