Firfiak pawl lutru awm vangin inthlan hmabak Bihar chiai

Bihar police headquaters chuan nimin khan Nepal ramri aṭanga firfiak pawl Jaish-e-Mohammed(J-e-M) mi leh sa pathum state chhungah an luh ruk thu an puang. Fifiak pawl mi pathumte luhruk thu hi intelligence aṭanga an dawn a nih thu leh, assembly inthlan neih tur tihbuai tum an nih an rin thu an tarlang bawk.

Firfiak pawl mi pathumte hi an nihna hriat tawh niin Hasnain Ali, Adil Hussain, leh Mohammad Usman-te an ni tih inteligence lam chuan an tarlang. Nepal aṭanga India hi rawn lut niin, August chawlhkar thumna velah khan Bihar hi an lut niin an sawi. Nepal aṭanga puihna hmangin ramri hi an kan nia an rin thu thuneitu lam chuan an sawi.

Bihar-ah hian tum ṭumah lo pawh hian firfiak pawl kaihhnawihah mi dang man an lo ni tawh. Kum 2019 khan Ezaz Ahmad, Bangladesh-a Jamaat-ul-Mujahideen (JMB) mi leh sa chu man a lo ni tawh a, Ahmad hi kum 2014 Burdwan bomb-na leh 2018-a Bodh Gaya bomb tihpuahna thlenga bultumtu nia ngaih a ni.

Police lam chuan mipuite chu inralring turin an chah a, thil rinhlelhawm nia an hriatte chu rang taka report turin an hriattir. Thil ṭha lo a thlen lohna turin leh buaina liantham a thlen loh nan hma lak a nih thu leh inthlan muanawm tak neih ngei tum a nih thu an sawi.