Tri-service conference 'Ran Samvad' Mhow-ah nei dawn

India sipai ṭhuang thum (Tri-Service) Army, Air Force, leh Navy huap tur conferece 'Ran Samvad' chu Army War College Mhow, Madhya Pradesh-ah August 26-27 chhung hian neih a ni dawn. Seminar-ah hian thupui atan “Impact of Technology on Warfare” hman a nih dawn bakah sub-theme pahnih Emerging Technologies & Impact on Future Warfare and Reforms in Institutionalised Training to Catalyse Technological Enablement hman a ni bawk ang.

Ran Samvad hi Raisina Dialogue, kumin March-a neih ṭum khan ngaihpawimawh ber zingah telin sipai thawktu hrang hrang, indo leh a kaihnawihte hmanga sawi ho tum a ni. Raisina Dialogue hi Ministry of External Affairs leh Observer Research Foundation thawh dunnaa neih ṭhin niin, defence ministry pawhin Ran Samwaad chu kum tina neih turin a ruahman bawk a ni.

Ni hnih awh tur seminar-ah hian geopolitics leh geoeconomics huanga hma lakna tur thlurbing tum a ni. Defence minister Rajnath Singh pawh ni hnihna aṭangaa telin doctrine inṭawm neih thar tlangzarhna a nei dawn bawk.