India leh Russia insumdawn tawnna huang zauh a ṭul : EAM

External affairs minister S Jaishankar, ni thum chama Russia-a zin mek chuan US-in Russia oil leh ralthuam a lei vanga India laka chhiah lak tih pun sak hnuah,India leh Russia chuan insumdawnna kawngah thawh dunna hrang hrang danglam leh tam tham an neih a ṭul thu a sawi. Jaishankar hian Russia first deputy prime minister Denis Manturov nen Moscow-a inbiaknaah a sawi lang.

Jaishankar leh Manturov-te hi 26th India-Russia Inter-Governmental Commission for Trade, Economic, Scientific, Technological, and Cultural Cooperation (IRIGC-TEC) neih mek kaihruai dunin inbiakna an ngei nghal. India-Russia insumdawn tawnna tur chungchang bakah Eurasian huamchhung ramte nena Free Trade Agreement(FTA) a rang thei anga peih felna tur chungchang an sawi awk.

India-Eurasian Economic Union Free Trade Agreement tihfel a nih chuan, India tan Russia bakah China leh Central Asian ramte nen insumdawn tawnna kawnga harsatna awmte a tiziaawm thei dawn a ni. EAM chuan India-Russia insumdawn tawnna inbuk tawk lo chungchang sawi langin huang zauh a ṭul thu a sawi, tun dinhmunah kum liam ta aṭangin India-in Russia nena sumdawnna a kalpui chu USD tld 13 aṭangin 2024-25 chhung khan USD tld 68-ah a pung tih a tarlang.

EAM chuan India-Russia sumdawn tawnna zauhna leh tihhmasawn theihna tur sawiin,"Tum bithliah mumal siam a, hunbi tuka thlen chin tur siam chuan hlawkna nasa zawk a thlen thei dawn a, bituk neihte khum pawh kan tum tur a ni" a ti. Sawi zawmin sumdawn tawnnaa daidanna awmte chu thlang chhuak a, chumi huanga hmalakna neih a ṭul thu a sawi lang bawk.

Jaishankar chuan am pahnih inkara sumdawnna huangah thawh dunna awmze nei rduan a ṭul thu a sawi a, IRIGC chuan heng huangah hian ram pahnih ngaihdan luan dun theihna a, a nghawng chhuahte ngaih pawimawhna theih a ni dawn tih a sawi. Thawh dunna hrang hrang rawtte hi US-in India laka Russia oil lei chhunzawm vanga chhiah tihpunin a nghawng zel a ni.