India leh Vietnam Coast Guards thawk dun dawn

India leh Vietnam coast guard chuan Nilaini khan Hanoi-ah high-level meeting neiin, tuipuia thawh dunna tur search and rescue, law enforcement, leh tuipui bawlhlawh thenfaina kalpui dan tur an rel. Thawh dunna tur hi 2015 Memorandum of Understanding on Coast Guard Cooperation hnuaia thawh dunna tur ruangam siam tawh tihlawhtlinna tur a ni.

Meeting hi Coast Guard additional director general Anand Prakash Badola leh Vietnamese Coast Guard vice commandant major general Vu Trung Kien chuan an kaihruai. Ram pahnihte hian tuipui huam chhunga thawh dun theih hrang hrang awmah in remin, search and rescue kalpuinaa thawh dunna leh tuipui bawlhhlawh tur ven kawnga thawh ho a ṭulna te an tarlang bawk.

Ram pahnih coast guard-te hian institutional interaction, training programme, tihdan phung inang neih leh lawnga in tlawh tawnna neih fo an remti a, operation leh inrin tawnna ṭha neih a tulnate an zir ho bawk. India leh Vietnam chuan harsatna awm chinfel dan tur te an sawi ho nghal tih Ministry of Defence chuan a tarlang.