India leh SKorea-in thawh dunna huang zauh

India leh South Korea chuan Inrinni liam ta khan kawng hrang hranga thawh dunna thar siam an rem ti.

Ram pahnihte hian semiconductor, clean energy, defence leh artificial intelligence huangahte thawh dunna huang zauh an tum a ni. Thawh dunna tihzauhna tur hi external affairs minister (EAM) S Jaishankar leh South Korea external affairs minister Cho Hyun ten Seoul-ah an sawi dun.

EAM chuan inbiakna an neih chungchang X-ah tarlangin,"Ram pahnihte thawh dunna tihhmasawnna turin sumdawnna, thil siamchhuah, leh tuipui lama venhimna leh mipuite nghawng thei tur kan sawi a, hei bakah hian hmalakna thar tur AI, semiconductor, celan energy, leh defence huangte kan sawi bawk" a ti.

Inbiakna neihah hian Jaishankar leh Hyun chuan Indo-Pacific huam chhung leh khawvel hmasawnna thlen dan turte an sawi dun a, kum 10 chhung ram pahnih lo thawh dun tawhna pawh lawmawm an tih thute an tarlang bawk. India leh SKorea inkar thawh dunna chu tun hnai khan nasa takin a ṭhang a, sumdawnna leh defence huangah a nasa zual niin an tarlang.