PM Modi-a'n Delhi-ah highway 2 siamna tur project hawng

Prime minister Narendra Modi chuan nimin khan Delhi-ah Dwarka Expressway leh Urban Extension Road-II (UER- II) highway pahnih, Rs vbc 11,000 hua siamna tur project hawng. He project pahnih hi India khawpui ber kawngpui chep lutuk tihziaawm leh veivahna atana hun sen ngai tihtlemna tura ruahman a ni.

Project thawh tur pahnih hi Dwarka Expressway km 10.1 a thui niin Yashobhoomi, Delhi Metro Blue line leh Orange line, Bijwasan railway station leh Dwarka cluster bus depot tan tlang tur niin Rs vbc 5,360 hu sen a ni dawn. Pakhat zawk hi Urban Extension Road-II (UER-II) Bahadurgarh leh Sonipat tan tlang tur niin, Rs vbc 5,580 hu senna tur a ni bawk.

Dwarka Expressway siam tur hi package I leh II-ah ṭhen a ni dawn a, package I zawk hian km 5.9-a thui Shiv Murti intersection aṭanga Dwarka Sector-21 a Road Under Bridge (RUB) inkar a huam ang. Package II hian Dwarka Sector-21 RUB aṭangin Delhi-Haryana ramri km 4.2 a thui awhin Urban Extension Road-II a pawh dawn a ni.

Kawng siam hian Delhi-a Inner leh Outer Ring Road traffic tawt lutuk a tihziaawm theihna atana tih a ni a, kawng thar siam hian Bahadurgarh leh Sonipat pawhin NCR huamchhunga industrial kalpawhna a tiawlsam thei dawn niin an tarlang.