China-in LAC-ah tank a chhawp

Ladakh chhak lama Line of Actual Control (LAC)-a India leh China sipaite inepna boruak chu a la reh thei lo a, China hian tun hnaiah LAC-a Indian post ep lamah tank a rawn chhawp thar leh nia sawi a ni. 

China hian Rezang La, Rechin la leh Mukhosri epah tank 30-50 vel a chhawp nia sawi a ni. Heng hmengte hi Indian Army-in nikum August 29-30 a India sipaiten an luahte a ni. Tank-te hi India sipaite post ep takah dah an ni a, heng tank-te hi zangkhai zawk, modern technology hmanga siamte an ni. 

India sipaite hi LAC-a dan kalha China sipaite an che a nih chuan chhang let nghal thei turin an inbuatsaih lawk ve bawk. India ram china China sipai rawn lut turte danna atan Indian Army chuan feet 17,000-a sangah hian tank a dah ve bawk a, heng tank-te hi Rezang La, Rechin la leh Mukhosri-ah hian dah an ni.