US-in India tan student visa hawn belh dawn

India leh US inkara buaina a awm mek lai karah, US embassy chuan August thla ral hnu aṭangin India zirlai tan visa pek chhuah theih zat a ti pung dawn tih a puang. Kumin academic session inṭan a hnaih tawh vanga zirlai visa mamawh hmanhmawh thlakte vanga hawn belh tur niin an tarlang. US chuan visa dil tur tan endikna khirh tak an kalpui tawh avangin visa dilah harsatna hrang hrang zirlaite hian an tawk a ni.

Visa tihpun hi Rajya Sabha MP hrang hrang ten ziaka an ngen hnuah, external affairs ministry chuan India zirlai US-a admission hmu te'n visa dilna a harsatna tawh tih ziawmna tur hian hma a la a ni. Minister of state for external affairs Kirti Vardhan Singh chuan India leh US thuneitute'n zirlai, visa dilnaa harsatna awmte tihziawm a nihna turin US embassy leh consulate-ah hma an la reng tih a sawi.

US-a Indian Mission/posts chuan US university-a zirlai inziaklutte chu an be pawp reng tih sawiin, India embassy leh consulate chuan zirlai leh student welfare tan officer thawk tur bik an dah tih an sawi. Minister chuan India zirlai, ramdanga kalte chu MADAD portal-a inziaklut turin an hriattir nghal a, zirlai harsatna tawkte chu a theih anga consular puihna pein, medical care leh boarding/lodging mamawh anga puihna pek an ni, a ti.

Indian Community Welfare Fund (ICWF) chuan puihna pe turin Indian Mission/Posts a din a, visa vanga harsatna awm ṭhinah sorkar chuan US sorkar nen inlungrual taka thawkin zirlai bakah mamawh tu dang tan dan phal china visa-a hmalakna tur ruangamte duan a ni tih minister hian a sawi.